茶A (Closed)

試新嘢中晒伏。對比其他茶餐廳，個樣算係幾靚。但係入邊全部食物飲品都質素非常一般，嚴格嚟講係難食。雞髀好似冇醃過。全靠啲蔥油豉油，喺個表皮嘅汁令佢有啲味。食落去仲好大浸雪味。啲配菜蘿蔔西蘭花椰菜花全部生牛牛。另外，叉燒滑蛋啲叉燒好大陣豬蘇味。凍鴛鴦完全唔掂，第一次叫少甜。嚟到仲重手過平時其他茶餐廳。第二次嚟到啲茶好苦澀、少奶到好似冇落奶。瑞士雞翼涼浸浸。唔知係咪我問題？最好食係得啲公仔麵。一定唔會再嚟食。