Video
Read full review
2024-07-07
1983 views
上星期又俾我搵到一間食brunch一流既餐廳。位於大館既Cantina氣氛一流，採用復古華麗裝修，充滿歐洲氣息，凈係影個環境都有排影📸佢個weekend brunch仲好抵食！Unlimited Cicchetti Brunch 只需$488/位。Cicchetti 係威尼斯傳統小菜，即係意大利版Tapas。除左主食之外其他全部都係任食！我地當日仲加左$200/位任飲free flow prosecco。真係吹下水，食下飲下，影下相咁就2個鐘啦。侍應仲好主動幫我地top up processo，飲到我都醉醉地☺️就算唔加free flow，凈係單嗌紅白酒、啤酒、aperol spritz都只係$48/杯，其實真係好抵👍🏻野食方面都係黎自意大利唔同地區既，北部南部同中部都有，有埋個地圖俾你睇返相應既菜式係黎自邊個地區。前菜唔需要自己揀，會自動上曬俾你。都係啲cold cut同唔同配料既意式烤麵包。風乾火腿 : 意式肉腸、帕馬火腿、豬頸肉火腿、火雞火腿、莎樂美腸_意式烤麵包：番茄、三文魚及牛油果他他、茄子及番茄乾、辣香腸抹醬、雞肝醬、至小食方面有成13款俾你揀，如果你係好大胃口既你可以嗌曬全
位於大館既Cantina氣氛一流，採用復古華麗裝修，充滿歐洲氣息，凈係影個環境都有排影📸
佢個weekend brunch仲好抵食！Unlimited Cicchetti Brunch 只需$488/位。Cicchetti 係威尼斯傳統小菜，即係意大利版Tapas。除左主食之外其他全部都係任食！
我地當日仲加左$200/位任飲free flow prosecco。真係吹下水，食下飲下，影下相咁就2個鐘啦。侍應仲好主動幫我地top up processo，飲到我都醉醉地☺️就算唔加free flow，凈係單嗌紅白酒、啤酒、aperol spritz都只係$48/杯，其實真係好抵👍🏻
野食方面都係黎自意大利唔同地區既，北部南部同中部都有，有埋個地圖俾你睇返相應既菜式係黎自邊個地區。
前菜唔需要自己揀，會自動上曬俾你。都係啲cold cut同唔同配料既意式烤麵包。
風乾火腿 :
意式肉腸、帕馬火腿、豬頸肉火腿、火雞火腿、莎樂美腸
_
意式烤麵包：
番茄、三文魚及牛油果他他、茄子及番茄乾、辣香腸抹醬、雞肝醬、
至小食方面有成13款俾你揀，如果你係好大胃口既你可以嗌曬全部。但我同朋友2個女仔唔食得太多，所以我地凈係揀左最想食果5樣。
生蠔、魔鬼蛋小八爪魚、意式吞拿魚醬小牛肉、沙甸魚配莎莎醬
至於主菜就1人揀1款。_
大比目魚配地中海醬
水牛芝士意大利雲吞
甜品方面會有個sharing platter。我地食得太忘形得制唔記得試埋佢個tiramisu。聽講係即場係枱到serve俾你架，俾自己個藉口再去多次！_
朱古力香梨蛋糕、西西里捲心脆餅、檸檬撻、意大利野莓凍糕
由於太多野食好難每一樣詳細講，但呢個價錢黎講整體食物質素係唔錯既。侍應全部都好nice服務好殷勤。環境直頭唔使講啦，係最大既賣點！我諗平時係到食dinner應該都會好好feel，可以回訪😊
Post
