Prosit Bar and Restaurant

Open Now

Now Closed

最近夏日炎炎食飯會好想飲杯冰凍嘅生啤，今日就同朋友一齊踩入一間主打德國菜嘅樓上吧食飯。一入到餐廳有如由隨意門入咗一間歐陸風格嘅小木屋好有feel。餐廳牆上仲有好多店主同樂手私人珍藏嘅結他，有如一個迷你結他博物館。餐廳原來每個星期都有兩場music live show。德國脆咸豬手配酸菜及特色炒薯嚟到德國餐廳必定要點咸豬手先叫食咗德國菜，Prosit 嘅咸豬手正常發揮嘅出色，外皮炸得非常脆。入面嘅肉質軟林得嚟仲要好離骨。Pan Fried 嘅炒薯好香口，用嚟送德國嘅黑生啤一流。什錦腸拼盤拼盤嚟講非常豐富，一共有六款不同口味嘅肉腸。個人最愛嘅係德國豬肉腸同埋火腿芝士腸。德國豬肉腸嘅豬肉味好香濃，而且廚師特別肉腸grill得外皮爆裂脆邊，每一啖都好香口。而火腿芝士腸非常juicy, 一口咬落去有爆漿般嘅芝士，味道唔會話好濃岩岩好同豬肉味balance到。德式蘋果批鄉村風格嘅蘋果批，好有home made感覺。味道岩岩好，不太好甜嘅朋友就岩哂。酥皮嘅陣陣牛油味好撲鼻，批餡入面仲有啖啖嘅肉桂味，配埋一球雲呢拿雪糕非常完滿。