點點心思 (Closed)

公司會計婆婆住院一週後胃口大增，朝早又懶得早起煮飯，中午就孖XO仔喺附近間「點點心思」食飯。可能返枱快，小店午市都唔係咁滿，不過啲位就真係勁迫，小肥坐得唔係咁舒服囉！彩色o既點心紙中英對照，圖文並茂，簡單易明，兩口子好快就點咗四款點心。後因見到鏡上「帶子墨魚餃」幅硬照覺得都幾可愛，所以就加咗客黎試。落好單，樓面伙計會即時印出單據，大家記緊要核對一次，因為周邊幾張搭枱o既食客，包括我地在內，都發現當中有錯漏。雪影叉燒餐包（$22/三隻）：只屬和暖o既叉燒餐包皮層過份軟腍，完全冇墨西哥包應有o既磨砂帶脆o既質感，似乎點點心思只係放咗喺其雪影之名，而未有投放於烹調過程。。。馳名鮮蝦餃（$28/四隻）：新鮮蒸起o既蝦餃尚算熱辣，可惜皮層過厚，而且個蝦餡仍有陣雪味，莫非係馳名唔好食？！灌湯小籠包（$22/四隻）：辣口o既小籠包皮厚餡油膩，認真麻麻。帶子墨魚餃（$30/兩隻）：墨魚餃實物o既外型同相片差得都幾遠吓，幸好食落都叫做幾爽嫩，未至於失望透頂。蘿蔔絲酥（$25/三隻）：蘿蔔絲酥外皮就夠金黃鬆化，無奈咬落則成口麵粉，有未熟之嫌，唔多掂。茶餐廳格局o既「點點心思」唔好坐之餘，食物質素偏底，廚房