Video
Read full review
2015-10-30
1867 views
同幾個團友仔嘅小飯局，想要搵啲食物有水準，環境有氣氛嘅餐廳，所以，就想到嚟Babbo Trattoria，喺聽老友早前推介過嘅一間意大利餐廳。雖然只喺星期二晚，但入座率有八乘幾、九乘滿。踏入餐廳，的確頗有氣氛，柔和嘅燈光，深啡嘅色調，都喺令人感覺舒服，放下平日緊張嘅工作情緒 。轉角入面有兩張馬蹄位，更有少少自成一角嘅感覺。餐廳有午市套餐供應，睇落選擇不少，又抵食，啱晒當中一個晌附近工作嘅朋友。更有下午茶供應，然而，晚市則只有散點菜式。一如大部份意大利餐廳，菜式類別都喺前菜（冷盤 / 熱盤）、湯品、意大利飯、意大利麵、特色主菜、薄餅……等等為主。 Sangria $250 西班牙雜果酒可配紅酒或白酒，本來小弟就想餐後嘆杯意大利咖啡，但難得友人喜歡食飯時下少少酒，所以，就點一客嚟試試。依度嘅雜果酒跟平時所見嘅唔同，色澤較濁，入口酒意好輕，較似雜果賓治，向店員查詢，原來加入咗青檸汁同橙汁，怪不之得酒味唔重，個人較鍾意西班牙嘅版本，但依個就適合唔太飲得酒嘅朋友 。 西西里式八爪魚他他 $138 前菜選牛肉他他就甚有代表性，不過，擔心朋友接受唔到生牛肉，所以，八爪魚他他喺理想嘅替
雖然只喺星期二晚，但入座率有八乘幾、九乘滿。踏入餐廳，的確頗有氣氛，柔和嘅燈光，深啡嘅色調，都喺令人感覺舒服，放下平日緊張嘅工作情緒 。轉角入面有兩張馬蹄位，更有少少自成一角嘅感覺。
餐廳有午市套餐供應，睇落選擇不少，又抵食，啱晒當中一個晌附近工作嘅朋友。更有下午茶供應，然而，晚市則只有散點菜式。
一如大部份意大利餐廳，菜式類別都喺前菜（冷盤 / 熱盤）、湯品、意大利飯、意大利麵、特色主菜、薄餅……等等為主。
Sangria $250 西班牙雜果酒可配紅酒或白酒，本來小弟就想餐後嘆杯意大利咖啡，但難得友人喜歡食飯時下少少酒，所以，就點一客嚟試試。依度嘅雜果酒跟平時所見嘅唔同，色澤較濁，入口酒意好輕，較似雜果賓治，向店員查詢，原來加入咗青檸汁同橙汁，怪不之得酒味唔重，個人較鍾意西班牙嘅版本，但依個就適合唔太飲得酒嘅朋友 。
Sangria
$250
51 views
1 likes
0 comments
西西里式八爪魚他他 $138 前菜選牛肉他他就甚有代表性，不過，擔心朋友接受唔到生牛肉，所以，八爪魚他他喺理想嘅替代之選。八爪魚切得超薄，但入口保持一份韌勁，有咬口，而調味只喺啲橄欖油、蕃茄粒，少少香草碎，唔搶八爪魚嘅鮮甜味 。
西西里式八爪魚他他
$138
74 views
2 likes
0 comments
主菜選咗3款，一客意大利飯，喺小弟嘅心水菜，一客扁意粉及一隻燒雞。初時都擔心晌依類高級餐廳，份量會唔會得好少，今比我相像嘅多，所以，三客主菜後都唔需要再加，因為，仲有甜品嘛！意式牛肝菌燉飯 $208
除牛肝菌外，仲有其他雜菌，所以，個飯好有菌香，而飯粒好有咬口，個汁啱啱好，無多餘，感覺唔會太濕，而面面加多一抹酸忌廉，更有少少神來之筆嘅效果，睇落似簡單，但做得非常有水準。
意式牛肝菌燉飯
$208
55 views
1 likes
0 comments
曙光汁帶子扁平麵意粉 $218 純粹好奇個曙光汁喺點，英名叫Aurora Sauce，由來喺點？店員解說個汁嘅色澤橙橙黃黃，有啲似曙光，所以，取名曙光汁，喺意式嘅經典醬汁之一。咁究竟味道喺點，其實簡單嚟講，就喺輕盈嘅忌廉蕃茄醬，口感比較滑，味道帶微酸 。個扁意粉煮得咬口，已經令道意粉成功咗1/3；醬汁嘅稀杰度又恰到好處，令意粉好掛汁，再成功多1/3，加上帶子厚肉入口鮮甜得很，個人而言，道扁意粉真喺扁鼻佬帶眼鏡，無得頂呀！
曙光汁帶子扁平麵意粉
$218
42 views
1 likes
0 comments
迷迭香烤雞 $298 烤雞一向都好有市場，因為牛扒、豬肉感覺都重肉感多啲，尤其女生，想食肉又想輕盈啲，雞肉就可謂不二之選。隻烤雞外觀燒得金黃焦香，睇到都引死人！入口唔單止皮脆肉嫩，而且入味又夠均勻，內外都嚐到香草嘅芳香。
迷迭香烤雞
$298
49 views
1 likes
0 comments
近尾聲，又喺甜品時段，向店員索取甜品餐牌時，原來佢哋喺會餐牌連「樣本」（除雪糕外）一齊呈上，真喺萬分意外 ！
鮮果奶酪 $58我哋所點嘅3款甜品中，以依個意大利奶凍失望少少，其實佢個奶味好濃郁，但質感比較稀，入口感覺削身，鮮果亦只喺兩粒藍莓，所以，先話喺失望啲 。
鮮果奶酪
$58
32 views
1 likes
0 comments
馬卡風芝士（小弟慣用嘅譯名）喺做意大利芝士餅嘅基本材料，估唔到可以就咁用嚟做甜品。可配提子醋或士多啤梨汁，揀前者覺得夠特別，因為用上真真正正嘅原味馬卡風芝士，芝士味唔會太濃，質感軟而挺實， 配個醋汁真喺幾得意，酸香中有份細膩，不過，因為配搭較別具一格，相信未必人人鍾意 。
瑪之卡邦小點
$58
35 views
1 likes
0 comments
好有驚喜，因為芝士味好濃郁，富奶香而滑溜，賣相又幾靚，不過，兩條朱古力脆條唔多脆。店員介紹時話喺自家製，不過，定價會令部分人卻步而錯過依款味美嘅芝士雪糕 。
芝士雪糕
$78
42 views
1 likes
0 comments
Post
