泰中意 (Moved) New Location

在附近工作，同事介紹黎呢度食晏 ， 而且一定要試好味嘅炭燒豬扒飯， 豬扒大大件瀰漫著炭燒嘅香味，肥美多汁，蔥油及炭燒味充斥著嗅覺及味蕾， 雖然上菜比較慢 ，餐廳室內溫度比較熱而且比較多蚊，但係都值得你去一試👍。 如果你嫌豬扒飯太heavy， 都可以試下佢嘅海南雞飯都係唔錯嘅， 當然冇佢馳名嘅豬扒飯咁受歡迎。 今日試咗個冬蔭功蝦球意粉都唔差幾好味， 有興趣可以一試。 由於餐廳屬於村屋格局嘅關係，所以座位有限 ，每逢lunch time，一係訂位一係早啲去，如果唔係都要等位， 所以有同理心嘅我地，食飽咗自己都會自動自覺離座， 等在門外曬緊太陽嘅朋友可以盡早入內享用。 如想享受地道嘅泰式環境就選擇夏天去， 如果唔熱得就秋天後去🤭