添財記

Open Now

Now Closed

［添財記］粥品腸粉出名就整個九龍城都知。粥品出色連配襯嘅油器腸粉都係必點之一。粥底夠綿，配埋必點碎牛真係回味無窮，難怪發哥都經常光顧。其實除咗粥品出色，港式茶餐廳食品都做得好過好多茶記。基本上我每次都會點粥及茶檔粉麵《牛肉粥拼豬紅》綿綿又熱辣辣粥底，配上店內最受歡迎嘅碎牛肉，確實一試難忘。《蝦米捲炸両》香蔥加香口蝦米混著薄滑腸粉，再包住油香滿滿嘅油炸鬼成為配粥之最，必點！《沙嗲牛紅腸麵》牛肉質素好，非常滑嫩，招牌沙嗲汁出色，濃郁但不蓋牛肉香，搭配超力伊麵及香蔥另有一番風味。紅腸有誠意地先炸至外皮微脆再上碟，好味。《咸牛蛋麵》咸牛蛋炒得剛好並非常鬆軟，咬落軟綿但用筷子夾起亦不散，恰到好處。試過配炒麵及三文治，各有特色百搭之選除咗以上四款推介，其他食物都做得出色，炒麵亦非常受歡迎，雪菜米，各款三文治看似簡單但每款都比其他茶記味道更細緻，食物飲品都唔會令你失望。