Video
Read full review
2020-07-13
1338 views
超旺場潮洲小店 • 必吃酒香鵝肝繼續 系列，多謝友人安排，終於可以一嚐呢間超旺場小店。每晚訂位分兩輪，建議大家一定要訂早輪，如果唔係到時咩都俾人食晒。😭先來幾款酒香冷盤，出色到不得了！酒香鵝肝是暫時吃過最好的，酒味香濃，粉嫩程度根本冇可能用筷子將一整片夾起，大家訂位時候，一定要預留。酒香鮑魚+乳鴿擺盤好靚，非一般小店級數，鮑魚彈牙入味，乳鴿好好肉地，只略嫌肉質唔夠嫩滑。基本上呢度嘅酒香菜色全部都做得好好，大家可以放膽點。去到滷水，千層豬耳夠晒大件爽脆，骨膠原十足。滷水掌翼夠大隻，入味不會死鹹。鹵水墨魚爽口得來不失軟熟。去到大家最鍾意食的鵝片，先要讚刀工一流，厚薄大細均勻一致，賣相極靚，美中不足是鵝肉不夠滑，帶有嚼勁。至於滷水的味道，始終不夠醇香，個人認為不夠滷水味。潮洲煎魚亦係名物，慢火煎香，絕對係心機之作。我們吃了煎倉魚以及煎馬友，前者香脆，配豉油汁一流；後者香口得來亦保留魚油香。單尾的臘味煲仔飯都做得唔錯，飯粒算分明，亦有飯焦。我們一行六人，每人埋單$360，已經可以食到鮑魚、魚(兩條)、墨魚以及大量滷味，個人認為非常抵食。
繼續 [尋找跨區滷味] 系列，多謝友人安排，終於可以一嚐呢間超旺場小店。每晚訂位分兩輪，建議大家一定要訂早輪，如果唔係到時咩都俾人食晒。😭
先來幾款酒香冷盤，出色到不得了！酒香鵝肝是暫時吃過最好的，酒味香濃，粉嫩程度根本冇可能用筷子將一整片夾起，大家訂位時候，一定要預留。酒香鮑魚+乳鴿擺盤好靚，非一般小店級數，鮑魚彈牙入味，乳鴿好好肉地，只略嫌肉質唔夠嫩滑。基本上呢度嘅酒香菜色全部都做得好好，大家可以放膽點。
去到滷水，千層豬耳夠晒大件爽脆，骨膠原十足。滷水掌翼夠大隻，入味不會死鹹。鹵水墨魚爽口得來不失軟熟。去到大家最鍾意食的鵝片，先要讚刀工一流，厚薄大細均勻一致，賣相極靚，美中不足是鵝肉不夠滑，帶有嚼勁。至於滷水的味道，始終不夠醇香，個人認為不夠滷水味。
潮洲煎魚亦係名物，慢火煎香，絕對係心機之作。我們吃了煎倉魚以及煎馬友，前者香脆，配豉油汁一流；後者香口得來亦保留魚油香。
單尾的臘味煲仔飯都做得唔錯，飯粒算分明，亦有飯焦。我們一行六人，每人埋單$360，已經可以食到鮑魚、魚(兩條)、墨魚以及大量滷味，個人認為非常抵食。
Post
