樂湯雞麵館 x 火鍋 (西洋菜南街) (Closed)

火鍋一年四季都可以，應該無人會反對，火鍋店選擇亦多不勝數，各有特色位於太子嘅樂湯雞麵館 X 火鍋，其招牌雞湯打邊爐一直受食客歡迎，而近期更推出佛跳牆雞鍋湯底，絕對不能錯過！🥢佛跳牆雞鍋 - 材料超豐富，除咗有半隻新鮮雞外，還有不少矜貴食材如原條海參、花膠、乾瑤柱、花菇和鮑魚。湯底份量足夠4人分，食材人人有份，真係飲湯食埋湯料都夠晒飽！最後廚房會將雞斬件，雞皮和雞肉都非常嫩滑，超讚👍🥢麻辣海參 - 以涼拌青瓜拌海參配上麻辣醬汁，爽口又惹味！🥢即炸響鈴 - 打邊爐又點少得響鈴，放落湯淥幾秒就食得，非常酥脆🥢牛魔王拼盤 - 有A4和牛、牛白肉、牛小排、牛舌和五花子，擺盤好靚好吸睛，未食先影靚相。5款牛各有特色，全都新鮮嫩滑，我自己就比較喜歡A4和牛，油脂平均而不膩，具口感🥢自家製招牌丸餃拼盤 - 有龍皇雲吞、花膠魚翅餃、韭菜餃、黑椒芝士和牛餃、手打墨魚丸和蝦丸。幾款餃都餡料豐富，夠飽滿，個人推介龍皇雲吞，而墨魚丸同蝦丸都彈牙，墨魚丸仲係非常好食，真心未食過咁好食嘅墨魚丸！🥢刀削麵 - 一碟份量都唔少，口感煙韌又夠滑，淥1-2分鐘就食得，盡吸雞鍋湯底精華，真係食完一碗又一碗！🍹青檸梳打特飮/咸