日日香鵝肉飯店 (黃埔新邨) (Closed)

今日公司同事提起之前去潮州食滷水鵝，超正！但而家因疫情冇得去，有同事知道香港有間日日香鵝肉飯店，係傳統潮洲老品牌，主打鹵水獅頭鵝及潮式鹵水美食，味道有潮汕地區咁好味，好久之前我都有食過，今晚就一齊去食返餐！飯店有多間分店，我哋去咗黃埔分店，好近黃埔地鐵站，交通十分方便！餐牌上的飯餐可轉河粉、瀨粉、米粉。方便客人不同口味。金牌滷水鵝片飯，用澄海鵝滷製，鵝片切得厚薄適中，食起來無骨啖啖肉，肉質鮮嫩，多汁鮮美，鹹淡適中，甘香不膩！配料有半隻滷蛋和豆卜，都好入味，還有潮州咸菜，甜甜哋好爽口。瀨粉除咗配燒鵝，配滷水鵝也很好味！滷水雙拼飯鵝肉拼豬手河粉：豬手滷得入味，並去骨切片，入口有香濃嘅滷水味，軟硬適中。鵝肉肉質細嫩，一 啲都唔鞋口。河粉滑溜，份量不少。凍鴛鴦、熱奶茶。飯餐送熱飲，凍飲加3蚊。鵝腸清洗乾淨，食落有些爽口也有少許韌口感，鵝紅：鵝紅以浸滷的方法烹調，食起來很順滑。