MOO Beef Cafe (Closed)

將軍澳中心最近多左好多新餐廳，所以今日下午食lunch就同同事去試新野，揀左間個名好特别的Moo Beef Cafe，一睇個名就有知有我最鍾意嘅食牛啦。打開餐牌，竟然有威靈頓牛柳，唔係間間餐廳肯整，當然要試下啦。一上菜就已經有好香牛油味，個酥皮係金黄色，入口酥皮鬆化，牛柳嫩，口感十足。因為同事唔食牛，佢就叫左個lunch set,有沙律和湯，主菜是蟹肉意大利飯，都好足料。最正係只需加12蚊，就可以加件意大利芝士餅，仲要係大件加好食，值得一試。