樂天皇朝 (利舞臺廣場)

Open Now

Now Closed

好味小籠包，位於利舞臺，地址夠就腳，最鍾意坐得舒舒服服，服務一流，價錢唔貴，仲有下午茶時段，裝修又靚。今日就食返個下午茶，平時食開八彩小籠包，影相夠晒靚，又可以試唔同味道。今日朋友話想食原味小籠包，一樣爆汁，肉汁鮮味味。必食。菜肉雲吞豬骨湯，豬骨湯夠清甜，飲番啖湯暖吓，菜肉雲吞皮滑溜，今次第一次食呢個，有驚喜，下次會再encore。近排天氣咁乾燥，飲咗個羅漢果茶，夠清潤。上海媽媽烤麩有筍黑木耳，餐前小食一流。炸小饅頭，加煉奶雖然話係小饅頭，其實一啲都唔少，大大隻，皮脆卜卜，入邊軟腍腍，加埋啲煉奶好好食。