德國餐廳 (博文街) (Closed)

今日同fd行開大角咀就黎左呢到食德國菜。當然叫左德國最出名嘅啤酒，店員推介同店名一樣嘅das bier。呢個啤酒幾易入口，係比較清淡一啲嘅味，驚酒味嘅可以試下飲呢個。跟住就叫左德國都好出名嘅豬手。呢個係德國咸豬手配酸菜同薯仔沙律。本身對豬手冇咩期望，因為喺德國食過覺得一般，喺朋友要求下點左，點知係好食嘅。豬手雖然大舊，但唔會好乾身，個皮都整得好脆。上菜嘅時候仲要已經切好左一舊舊，每舊都好細，好方便吉黎食。而且仲配左兩個sauce。一個係芥末一個係蜜糖芥末。個人較鍾意蜜糖芥末，唔會好辣又有甜味。跟住仲叫左個西班牙海鮮飯，海鮮配料都好充足，飯就不過不失，不過呢到冷氣吹得有啲大，要快啲食啲野，唔係會好快凍晒。