金樂軒雞煲魚鍋

Open Now

Now Closed

久違了嘅金樂軒雞煲魚鍋，covid前我成日黎食鷄煲，因為抵食又好味。今日約朋友去開北角，我提議要幫襯下，但因為最近天氣太熱，所以今次食小菜。一如以往，大大碟抵食，我哋樣樣都想食，叫咗好多，三四個人食都食到好飽。必食推介：佢地嘅墨魚餅，真係唔知點解咁香口，令你食唔停！！脆皮炸大腸，同椒盬鮮魷又係好好味。因為我哋太鍾意食香口野，所以一定要叫一大樽竹蔗茅根水，自家製，潤口解喝，佢哋有呢個option俾大家order真係好醒同貼心周到，因為你食雞煲實配埋竹蔗茅根水。之後仲叫咗什菌牛頸脊，牛肉都多，好入味；仲有翡翠苗，好爽口，唔知點解自己屋企整唔到咁爽口。全餐都好滿足，等天氣涼d再嚟食雞煲同火鍋。