餃掂手工餃子雲吞專門店

突然好想食餃子，見附近有餃掂就緊係要食。呢到有好多唔同款既餃子，岩哂唔同口味既人食，有煎餃又有湯餃。我就叫左個至尊松茸餃，見到好多人都有食，松茸既味道好清香，而且清而濃郁，甚至濃到同肉既味道相映成趣，好足料。 呢個元貝豬肉餃好足料，食落每啖都有爽口既口感，再混合埋豬肉腍身既口感，夾得嚟又得意。 呢個韭菜煎餃都係煎得好香，加上入面既韭菜好多汁，好有油香，食落好香口。 一定要推薦香煎軟心芝士餃，呢個芝士餃價錢唔貴，但質素絕對係非常高。餃子入面既芝士好多，每啖咬落去都會爆哂出嚟，感覺好正。最重要係煎得好香脆，而且送上枱既時候仲係熱辣辣，咬落芝士味更加香濃。