Video
Read full review
2020-10-16
5096 views
因為見到有Dinner Buffet七折優惠，計一計價錢幾抵，而呢排又好想食長腳蟹，見到食評介紹呢間嘅長腳蟹鮮甜，所以就黎左呢到食。一如大家所講，呢到嘅長腳蟹，比起同價位嘅buffet提供嘅長腳蟹，真係鮮甜好多。我一開始去拎嘅時候見到得返比人揀淨嘅幾條蟹腳，以為佢有排先會再refill，有啲傷心。點知原來佢好快好快就refill，仲refill都好密，去到後來大家都食長腳蟹食得好滿足。佢仲有其他海鮮例如青口同蝦，都係比同價位嘅新鮮同鮮甜得多，所以黎呢到食海鮮，真係必定要食海鮮。熟食款式相對唔多，但應該要有嘅都有，例如燒牛排、鴨胸、印度咖哩飯、龍蝦包、炒菜等等，仲有炒龍蝦添！炒龍蝦真係必食，好彈牙好好味。每位食客都可以揀一份花膠扣鵝掌或者半隻蒜蓉焗龍蝦。我揀左蒜蓉焗龍蝦。個人認為呢個龍蝦被蒜蓉蓋過曬所有味，反而比任食嘅炒龍蝦失色。甜品都有好多款，仲有任食嘅haagen dazs雪糕。但我個人認為最好是嘅喺呢張圖入面嘅牛乳奶凍、焦糖燉蛋同埋日式芝士蛋糕。牛乳奶凍唔太甜，啱曬我呢個唔鍾意食太甜嘅甜品嘅港女。我食左三個！奶味超重，好好食。焦糖燉蛋嘅蛋味都好濃郁，好食，我食左兩個。日式芝士蛋糕質
一如大家所講，呢到嘅長腳蟹，比起同價位嘅buffet提供嘅長腳蟹，真係鮮甜好多。我一開始去拎嘅時候見到得返比人揀淨嘅幾條蟹腳，以為佢有排先會再refill，有啲傷心。點知原來佢好快好快就refill，仲refill都好密，去到後來大家都食長腳蟹食得好滿足。佢仲有其他海鮮例如青口同蝦，都係比同價位嘅新鮮同鮮甜得多，所以黎呢到食海鮮，真係必定要食海鮮。
熟食款式相對唔多，但應該要有嘅都有，例如燒牛排、鴨胸、印度咖哩飯、龍蝦包、炒菜等等，仲有炒龍蝦添！炒龍蝦真係必食，好彈牙好好味。
每位食客都可以揀一份花膠扣鵝掌或者半隻蒜蓉焗龍蝦。我揀左蒜蓉焗龍蝦。個人認為呢個龍蝦被蒜蓉蓋過曬所有味，反而比任食嘅炒龍蝦失色。
甜品都有好多款，仲有任食嘅haagen dazs雪糕。但我個人認為最好是嘅喺呢張圖入面嘅牛乳奶凍、焦糖燉蛋同埋日式芝士蛋糕。牛乳奶凍唔太甜，啱曬我呢個唔鍾意食太甜嘅甜品嘅港女。我食左三個！奶味超重，好好食。
焦糖燉蛋嘅蛋味都好濃郁，好食，我食左兩個。
日式芝士蛋糕質感輕身，有淡淡嘅芝士味，好食。可惜我食左一個之後，想再拎就已經無曬，早知一次過拎多啲。
Post
