潮州合成甜品

Open Now

Now Closed

平時好少嚟九龍城，但其實有好多好食餐廳係依區。今日咁岩有野做嚟開依頭，一於周圍行下睇下有咩好野食！經過合成糖水，門面都幾舊式，但門口貼左好多唔同既報導，好似好出名，一於買碗糖水返去試下！一望餐牌，好多選擇，以傳統中式糖水為主，最普遍既紅豆沙，湯圓當然有得揀，但連平時比較少見既潮州傳統清心丸糖水都有！難得嚟到，當然點啲比較少有既糖水，潮州綠豆邊清心丸。大熱天時諗住點凍既黎食，但老闆話熱既會香好多，所以一於聽佢講！果然無介紹錯，熱食會食到綠豆邊既香味，綠豆邊煮得淋身，糖水唔太甜，岩岩好，再配埋透明煙煙韌韌既清心丸，特別有口感！下次再嚟九龍城既話，一定會再嚟食碗懷舊糖水先走！