越味皇 (Closed)

今日去到荃灣路德圍附近嘅呢間越味皇到食晚餐 呢度都幾多街坊幫襯係街坊小店 但同時亦不失越南味道小食越南春捲 同外面嘅都差唔多 炸到脆卜卜 入面餡料亦都夠足料 配上新鮮生菜食更加爽脆越南牛油蒜蓉雞翼 呢度越南小食個人十分喜愛 外面炸到脆卜卜 而且蒜蓉牛油芬香撲鼻 入面雞翼仲係爆汁做得好沙嗲串燒雞同沙嗲串燒牛肉 每樣三串 價錢唔貴燒得香口之餘配上味道濃沃嘅沙爹醬 非常有風味 個人十分推薦嘅燒黃立倉魚 外面魚皮燒得香脆 入面魚肉仲係多汁嫰滑 而且魚肚塞滿香料 入面仲有淡淡嘅香茅味 咬落魚油十足 高質之作最後就係椰漿海鮮焗飯 原個椰子用嚟裝住炒飯 上面加上大蝦魷魚等等海鮮 淋上新鮮嘅椰漿配搭特別 有創意而且幾夾