龍鳳祥餃子館 (Closed)

最近知道西九龍中心新開咗間「龍鳳祥餃子館」所以帶佐個朋友去試新嘢，發覺味道都唔錯，整體上都好好食架！首先，我地叫左一個小食，"涼拌粉皮"價錢唔貴，有大分同細分俾食客揀，味道都好香濃，有麻醬同葱花，再加上粉皮非常軟滑，我地倆個食完都再落單添。「酸辣湯麵」就最適合拌餃子一齊食，湯底带有酸辣，非常醒胃，而且仲有好多配料，例如有木耳，冬茹等，一碗都可以倆份食！正!「素菜煎餃」餃得非常用心，每隻都係金黃色嘅，外脆內軟，餃子大大隻，裡面仲有好多餡料架！「白菜湯餃」估唔到裡有竟然有大蝦出現，真係真材實料架