Video
Read full review
2024-03-23
18 views
去唔到日本食蟹，唯有響香港搵間日本餐廳食新鮮活蟹頂住先。銅鑼灣蟹慶推出一個特選會席套餐二人前，當中包括：松葉蟹肉三文魚籽沙律、蟹肉多士、季節刺身3點、黑魚子海膽蟹肉蒸蛋、日本時令活蟹、松葉蟹甲羅燒、浜燒鱈場蟹、松葉蟹釜飯、湯、甜品。餐廳位於銅鑼灣最旺嘅地段，交通超方便，裝修就係日式居酒屋風格，卡位坐得好舒服，又添加了一份隱私感。松葉蟹肉三文魚籽沙律松葉蟹肉好鮮甜，同三文魚籽一齊混合，口感豐富。沙律酸甜適中，帶出松葉蟹肉嘅鮮味，呢個前菜好清新，好開胃。蟹肉多士好酥脆，鋪滿蟹肉同蟹籽，蟹肉嘅鮮甜juicy同多士嘅酥脆口感結合得好好，每一啖嘅口感都好豐富。黑魚子海膽蟹肉蒸蛋非常滑嫩，黑魚子同海膽帶出一種濃郁嘅海洋嘅鮮味。蟹肉嘅鮮味同蒸蛋嘅滑入口嘅口感配得好好，令平凡的蒸蛋變得不平凡。日本時令活蟹係毛蟹活蟹用蒸嘅方法去煮，保留左蟹嘅鮮味。蟹膏好多，裝滿晒整個蟹殼，比蟹肉更加鮮甜，非常邪惡。蟹殼已經預先剪開，用工具好簡單就可以挖到蟹肉，非常貼心。蟹肉真係非常新鮮，肉質結實，食得出係活蟹，完全係置身日本嘅感覺。松葉蟹甲羅燒賣相好吸引，燒過嘅蟹膏甜味更加濃郁，咸香嘅味道配埋脆脆嘅米餅，味道好豐富。浜
去唔到日本食蟹，唯有響香港搵間日本餐廳食新鮮活蟹頂住先。
銅鑼灣蟹慶推出一個特選會席套餐二人前，當中包括：松葉蟹肉三文魚籽沙律、蟹肉多士、季節刺身3點、黑魚子海膽蟹肉蒸蛋、日本時令活蟹、松葉蟹甲羅燒、浜燒鱈場蟹、松葉蟹釜飯、湯、甜品。
餐廳位於銅鑼灣最旺嘅地段，交通超方便，裝修就係日式居酒屋風格，卡位坐得好舒服，又添加了一份隱私感。
松葉蟹肉三文魚籽沙律松葉蟹肉好鮮甜，同三文魚籽一齊混合，口感豐富。沙律酸甜適中，帶出松葉蟹肉嘅鮮味，呢個前菜好清新，好開胃。
蟹肉多士好酥脆，鋪滿蟹肉同蟹籽，蟹肉嘅鮮甜juicy同多士嘅酥脆口感結合得好好，每一啖嘅口感都好豐富。
黑魚子海膽蟹肉蒸蛋非常滑嫩，黑魚子同海膽帶出一種濃郁嘅海洋嘅鮮味。蟹肉嘅鮮味同蒸蛋嘅滑入口嘅口感配得好好，令平凡的蒸蛋變得不平凡。
日本時令活蟹係毛蟹活蟹用蒸嘅方法去煮，保留左蟹嘅鮮味。蟹膏好多，裝滿晒整個蟹殼，比蟹肉更加鮮甜，非常邪惡。蟹殼已經預先剪開，用工具好簡單就可以挖到蟹肉，非常貼心。蟹肉真係非常新鮮，肉質結實，食得出係活蟹，完全係置身日本嘅感覺。
松葉蟹甲羅燒賣相好吸引，燒過嘅蟹膏甜味更加濃郁，咸香嘅味道配埋脆脆嘅米餅，味道好豐富。
浜燒鱈場蟹肉燒烤得啱啱好，保留住鱈場蟹嘅原汁原味，帶出濃郁嘅海鮮香氣。點埋特製蟹醋，鮮味又提升去另一個層次。
松葉蟹釜飯熱辣辣，蟹鉗同黑松靈混入飯裡面，吸收晒蟹肉嘅鮮味，黑松露獨特嘅味道，好match，好滿足.
Post
