Le Viet (Closed)

今日難得放假又放寬晚市就同老公岀左旺角食晚餐，老公話想食越南菜我之前食過le viet 覺得幾好食就帶距去試下，不過我地因為買左七點半睇戲，所以五點半去到嗰陣時都唔係好多人。原來11:30到6:30會有set meal 價錢仲超級優惠添所以我哋叫左一份串沙嗲配香辣炒飯包一杯飲品，我地加八元轉左越南滴滴咖啡另外叫左條香茅烏頭同一份精選拼盤。沙嗲配香辣炒飯串燒一共有三串包括有牛，豬同雞啲串燒係即叫即燒全部都新鮮熱辣咬落唔會好硬配埋個沙嗲醬真係冇得輸，個炒飯就唔係想像中咁辣食落都非常惹味。越南滴滴咖啡杯底有一層煉奶，可以中和返苦澀嘅咖啡，我哋叫咗凍飲，所以佢另外俾咗杯冰我哋，滴滴咖啡真係非常之珍貴，因為加入杯冰到只係得半杯飲，真係飲到唔夠喉。香茅燒烏頭一上台都嚇親因為都真係幾大條下而且好重香茅味，佢啲魚皮用啲鹽醃過所以比較硬身容易打開淨係食入邊啲肉，肉質食物都好嫩口配埋啲青色嘅蒜蓉辣醬非常之夾！精選拼盤入邊包括有春卷，炸蝦餅，扎肉蒸粉包同埋有豬頸肉，食物全部都新鮮熱辣美味可口，令人食到停唔到口。