Video
Read full review
2019-04-11
2342 views
早排同舊同事生日，所以請佢食個飯，順便Catch up下～ 朋友仔話好想試網上介紹個個鰻魚天婦羅，所以我們放工後就直接出旺角了～ 坐低無耐，先叫份水母刺身邊傾邊食，口感厚實又爽口。由於本身水母無咩味，點埋個柚子醋就好開胃。我係一個蛋痴，除了以前考試學校食蛋外，宜家無論係屋企定出餐廳，見到蛋的菜式都愛不釋手。呢個蛋捲炒得幾滑溜，雖然無加入蟹子三文魚等鮮味的食材，淨係上面的沙律醬、燒汁及蔥花已經可以令蛋味更出更日式。牛舌牛舌，毛虫都鍾意牛舌～ 哈，暴露左年齡添(笑) 呢客牛舌芯雖然燒得乾左少少，不過就非常香口。大家食的時候可以吱返檸檬汁或再用鹽或葱花稍為再調味。我就最鍾意落少少鹽及葱花係上面啦～串燒係食日式居酒屋的必點之選～ 今次我們叫左三款串燒，(由左至右) 包括豚肉鵪鶉蛋($26) 軟芝士黑豚卷($28) 甜薯($15)。係串燒中，我的Best Pick係軟芝士黑豚卷。油脂豐富的黑豚肉包住香軟的芝士，油香再加埋咇出黎的芝士，問你點忍？！第一次食燒日式年糕，原來佢比上海/韓式年糕軟身少少而且好煙韌。燒到個面脆脆地，加埋少少燒汁及放係上面的紫菜，味道幾香。不過今晚的Highlight都係呢
坐低無耐，先叫份水母刺身邊傾邊食，口感厚實又爽口。由於本身水母無咩味，點埋個柚子醋就好開胃。
水母刺身
$78
74 views
0 likes
0 comments
我係一個蛋痴，除了以前考試學校食蛋外，宜家無論係屋企定出餐廳，見到蛋的菜式都愛不釋手。呢個蛋捲炒得幾滑溜，雖然無加入蟹子三文魚等鮮味的食材，淨係上面的沙律醬、燒汁及蔥花已經可以令蛋味更出更日式。
蓬鬆玉子
$98
43 views
0 likes
0 comments
牛舌牛舌，毛虫都鍾意牛舌～ 哈，暴露左年齡添(笑) 呢客牛舌芯雖然燒得乾左少少，不過就非常香口。大家食的時候可以吱返檸檬汁或再用鹽或葱花稍為再調味。
我就最鍾意落少少鹽及葱花係上面啦～
極上鹽燒牛舌芯
$92
24 views
0 likes
0 comments
串燒係食日式居酒屋的必點之選～ 今次我們叫左三款串燒，(由左至右) 包括豚肉鵪鶉蛋($26) 軟芝士黑豚卷($28) 甜薯($15)。
係串燒中，我的Best Pick係軟芝士黑豚卷。油脂豐富的黑豚肉包住香軟的芝士，油香再加埋咇出黎的芝士，問你點忍？！
軟芝士黑豚卷
$28
23 views
0 likes
0 comments
第一次食燒日式年糕，原來佢比上海/韓式年糕軟身少少而且好煙韌。燒到個面脆脆地，加埋少少燒汁及放係上面的紫菜，味道幾香。
燒年糕
$24
30 views
0 likes
0 comments
不過今晚的Highlight都係呢個：鰻魚天婦羅。天婦羅真心食唔少，但用鰻魚炸天婦羅都係第一試！
鰻魚天婦羅
$138
23 views
0 likes
0 comments
有咩咁好食？！首先佢唔會炸到油淋淋又夠乾身，但佢個鰻魚仲係好Moist。重點係鰻魚夠曬厚身，唔係薄切切，所以夠曬口感。呢份天婦羅份量夠多，而且只係$138，係我選的必食Item！
燒菠蘿係用了新鮮的連皮菠蘿，燒好之後就厚砌8塊到。我自己就麻麻地燒菠蘿，覺得菠蘿都係新鮮雪最好食。不過朋友仔就食到唔停口，話佢夠多汁。
燒菠蘿
$42
13 views
0 likes
0 comments
臨走前見到好多人係到揀酒飲，原來餐廳係晚上10點開始有日本靚酒任飲，怪唔知餐廳愈夜愈多人啦～ 如果大家有興趣的話，可以同朋友黎個夜吹(笑)
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
Post
