Video
Read full review
2023-06-26
1040 views
💁♀️💁♂️ 13/6/2023(Tue), Dinner🍽食得川式嘅水煮魚、酸菜魚多，今次💁♀️為食妙妙同💁♂️A先生就去食黎自台灣知名既過江龍火鍋店 @鼎王麻辣鍋 既麻辣鍋同酸菜白肉鍋，品嘗另一種風味。餐廳裝飾走中式路線，環境濶落，卡座夠大方便擺放火鍋既食物，放完枱面都唔會覺得迫👍👍👍。而今晚我地order咗：🔆 鴛鴦鍋（$78/位）選擇困難症嘅人揀呢個就最適合，有齊兩款湯底鼎王麻辣鍋同埋酸菜白肉鍋，唔使諗食晒兩款味道。麻辣鍋就可以選擇大、中、小辣；而酸菜白肉鍋就可以揀大、中、小酸，各自按自己喜好去揀，我哋就採取中庸之道，揀咗中辣同中酸😋😋😋。鴛鴦鍋嘅造型似一個鼎，麻辣鍋嗰邊有一層紅色嘅牛油浮喺面，湯底用上蔬果、中藥類辛香料熬製，味道醇厚有層次，辣得來入口順喉濃稠。鍋入面嘅鴨血同埋豆腐都可以90分鐘內無限添加，鴨血由台灣直送，入口爽滑、筷子🥢挾起又唔會鬆散，質素很高👍🏻。豆腐質感實在，煮過一陣之後吸引咗湯底嘅味道，單食都好吸引😋。酸菜白肉鍋則有大量切幼條嘅酸菜，容易入口，味道唔會太酸，加上薄片嘅豬肉，整鍋湯底清香酸爽，正好中和返麻辣鍋比較濃稠嘅口感。同樣地90分鐘內都係可以無限添加
💁♀️💁♂️ 13/6/2023(Tue), Dinner🍽
食得川式嘅水煮魚、酸菜魚多，今次💁♀️為食妙妙同💁♂️A先生就去食黎自台灣知名既過江龍火鍋店 @鼎王麻辣鍋 既麻辣鍋同酸菜白肉鍋，品嘗另一種風味。餐廳裝飾走中式路線，環境濶落，卡座夠大方便擺放火鍋既食物，放完枱面都唔會覺得迫👍👍👍。而今晚我地order咗：
🔆 鴛鴦鍋（$78/位）選擇困難症嘅人揀呢個就最適合，有齊兩款湯底鼎王麻辣鍋同埋酸菜白肉鍋，唔使諗食晒兩款味道。麻辣鍋就可以選擇大、中、小辣；而酸菜白肉鍋就可以揀大、中、小酸，各自按自己喜好去揀，我哋就採取中庸之道，揀咗中辣同中酸😋😋😋。
鴛鴦鍋嘅造型似一個鼎，麻辣鍋嗰邊有一層紅色嘅牛油浮喺面，湯底用上蔬果、中藥類辛香料熬製，味道醇厚有層次，辣得來入口順喉濃稠。鍋入面嘅鴨血同埋豆腐都可以90分鐘內無限添加，鴨血由台灣直送，入口爽滑、筷子🥢挾起又唔會鬆散，質素很高👍🏻。豆腐質感實在，煮過一陣之後吸引咗湯底嘅味道，單食都好吸引😋。
酸菜白肉鍋則有大量切幼條嘅酸菜，容易入口，味道唔會太酸，加上薄片嘅豬肉，整鍋湯底清香酸爽，正好中和返麻辣鍋比較濃稠嘅口感。同樣地90分鐘內都係可以無限添加酸菜，食得暢快。
🔆 招牌手工三色滑（$158）有台灣直送既瑤柱滑丶蟹🦀️滑同埋蝦🦐滑，每款都用料十足，瑤柱滑入口有瑤柱嘅味道，仲感覺到有絲絲嘅瑤柱絲；蟹🦀️滑既蟹味濃郁亦有點點蟹黃提味；蝦🦐滑食落彈牙，更有粒粒蝦肉增加口感。
🔆 老油條（8條）（$68）老油條都係台灣直送既食材，輕輕浸湯幾秒索盡湯底嘅味道，仍有脆口鬆脆嘅口感。
🔆 濃香豆皮(4個）（$68）侍應提示要煮3分鐘左右先好食，好在有佢提醒，如果唔係我哋都以為係好似響鈴咁浸一浸湯就食得。煮完之後豆皮索晒湯汁，腍腍地又入味又有豆味、比起響鈴又係另一種食法。
🔆 牛小排拼去骨雞髀🍗肉（$208）牛小排油花分佈平均，輕輕灼一灼入口嫩滑有肉味同油脂香，兩個人食份量剛好。去骨雞髀🍗肉食落嫩滑彈牙，配酸菜白肉湯底都好搭配。
🔆 精選海鮮拼盤（$258）有海蝦🦐、廣島蠔🦪、北海道帶子、日本扇貝，每款都有四件/隻，用一大盤冰鎮住上枱，份量絕對夠兩個人食。蝦🦐唔算十分大隻，但有蝦味彈牙；廣島蠔🦪都算大隻，煮完嫩滑有蠔味；其餘帶子同扇貝都彈牙好食，輕灼一陣就可以。
🔆 手切牛黃喉（$88）即係牛嘅大動脈，簡單灼一陣食落爽脆彈牙，口感幾特別。牛黃喉無乜味道，配合返濃味既麻辣湯底吸收一下湯汁，爽爽脆脆咁都幾特別、幾好食。
🔆 三得利生啤（白）700ml（$96）清爽易入口嘅生啤，大大杯咁配火鍋都唔錯。
🔆 波蘿碧海（$48）
賣相藍色夠清涼，入口菠蘿🍍香甜，味道不錯。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9/🔟
👉🏻 台式風味十足，侍應服務周到，餐廳設計都好貼心，卡座既枱側邊有USB插頭，方便為電話充電🔋
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車建議考慮美麗華廣場🅿️，係貴少少🤏但就方便
👉🏻 各區都有巴士線🚌路經彌敦道，港鐵🚇站行過嚟都係5分鐘左右，十分方便
🔆🔆🔆🔆🔆🔆🔆🔆🔆🔆🔆🔆🔆
Post
