4口 (Under Renovation)

今日嚟到位於荃灣嘅4口食飯，餐廳嘅裝修都幾雅致，以木色為主調，令人感覺非常之舒服。我就叫咗幾度特色嘅小菜，分別係佛跳牆套餐，蒲燒鰻魚飯套餐，沙茶牛腩煲，黃花魚等等。佛跳牆套餐佛跳牆嘅湯汁非常之濃郁，配上麵條一齊食，真係啱啱好。麵條入口彈牙，吸收咗湯汁之後一齊食，真係好好味呀。佛跳牆本身有海參，鮑魚，雞肉等等，材料非常之豐富。蒲燒鰻魚飯鰻魚嘅份量都唔少，肉質都幾厚，魚油香味突出。呢個飯本身亦都跟埋紫菜同埋蛋絲，令到味道層次更加豐富。椰汁冰呢個椰汁冰嘅材料非常之多，椰汁嘅香味更加係非常之濃郁，以飲品嚟講真係好好飲。沙茶牛腩煲牛腩煮得非常之軟滑，調味亦都好恰當。另外呢個牛腩煲亦都有薯仔等等嘅配料，材料都幾多㗎。黃花魚黃花魚嘅份量唔少，肉質彈牙，非常之鮮味。整體嚟講，我覺得今餐嘅質素都幾高，食物選擇亦都夠晒豐富。