Red MR (Moved) New Location

嗰一次去左red mr唱k red mr係行最低消費架嘛 唱歌之餘仲可以叫野食野飲嗰次呢就真係好想唱歌 冇乜心機食野 所以就狂叫可樂雪璧諗住砌夠數就算啦 之後見到menu有杯海底椰蘆薈蜜桃茶 飲下熱野都好丫就叫左啦 杯野飲一到 都唔係我想像中既茶尼既... 料係幾足既 有好香蜜桃味 因為人地真係有成個桃喺入面不過我就覺得太甜啦 同埋都冇茶喺入面...之前做會員送左張優惠券可以換一客爐端燒 (其實我都唔係好記得嗰盆野係咪叫爐端燒) 總之就係一個碟上面有幾串串燒啦 有牛肉 豬頸肉 翠玉瓜 雞脾菇 雞軟骨同雞翼 串牛肉燒得啱啱好 唔會話燒得太老 仲有肉汁喺入面添 豬頸肉就夠爽口既 雞翼本身喺中間介開左一刀 所以食既時候好方便 其他幾種我就冇食到 所以唔知啦另外仲叫左個紅豆豆腐布丁同紅豆綠茶布丁 我初初仲以為啲紅豆會喺個布丁入面 即係同布丁撈埋咁 但原來佢只係放一小坨紅豆喺個布丁上面 咁啲紅豆都幾好食既 個豆腐布丁就幾夠豆腐味 但個綠茶布丁就冇乜綠茶味啦 同埋兩個布丁都食得出雪到到硬晒 唔夠動l動l咁xd 佢個裝飾有塊仔薄荷葉 咁望落都幾靚仔既 只係個分量比我想像中少左啲囉