五行 (Closed)

因為工作關係，每次經過IFC都好趕，都係求其食一餐就算。最近都好想食拉面，就見倒呢間日本菜，就坐底左。佢個餐牌上面唔算好多選擇，只有幾款拉面。我同同事叫左五行焦香味噌拉麵，同埋黑蒜油拉麵。五行焦香味噌拉麵都算足料，而且湯身比較濃郁，面身較幼，掛湯能力好好，每一啖拉面都有濃濃嘅味噌湯。黑蒜油拉麵味道較濃，剛剛開始食嘅時候黑蒜味好香濃，而且豚肉都好香。但因為餐廳冷氣較勁，拉麵凍左之後偏咸。因為當時比較趕時間，但拉麵遲遲未到，叫極都無待應生應，搞到去下一個meeting遲到。如果真係趕時間，我建議揀樓下M記。