港煮港食 (Closed)

午餐同女友喺深水埗揾食， 見到門外可以停到車，就泊低架車入去食過快既午餐！店内空間不算寬敞，主要以細檯為主，但茶餐廳食物才是重點吧！我哋分別各自叫左一個午餐share , 分別係咸魚雞粒炒飯同四川回窩肉飯，炒飯鑊氣十足，有咸香，雞絲亦不會炒到太乾！四川回窩肉除了有鑊氣外，仲加入左乾辣椒同新鮮既辣椒，另半肥瘦既豬肉份外惹味，亦令爽口既椰菜除了甜品以外，多了一份辣味，兩個飯既份量都幾大，我哋兩個人最後都有食剩少少，以茶餐廳嚟講，佢做到左快靚正既重點，重要好食，埋單唔駛一百，可以再幫襯！