老北京

Open Now

Now Closed

灣仔區食京菜黎講絕對係快靚正，小菜係人頭計，白飯、南瓜小米粥、多款涼菜、生果、蕃薯及粟米都是任添，連茶芥&加一都免了，點了以下小菜：1. 糖醋魚片：好似咕嚕肉咁一塊塊魚片，入口脆脆地，魚肉又滑嫩，酸汁拌飯一流。2. 麻婆豆腐：辣辣地唔算太辣，炒得幾好，豆腐一粒粒冇散開。3. 京蔥炒羊肉：有鑊氣炒得幾好食，羊肉份量都幾多，睇落似肥牛，炒過嘅京蔥特別好食。4. 京式回鍋肉：一樣有鑊氣，今次椰菜的份量比肉多，極為惹味。5. 雲吞雞：對比以上較清淡，雲吞有五隻，雞份量唔多，都係切頭切尾，還有幾棵小棠菜，以一人份黎講唔錯。今次例湯係夠味，冇上次咁淡味，涼菜都幾好食又多幾款選擇，以午餐黎講連茶芥加一算唔錯，上餐速度快又熱辣辣，多人去建議book 位。