生記山西刀削麵 (Closed)

今日到元朗整車，放低咗部車去整，就喺附近食午餐。中午時間人流都幾旺，好想食酸菜魚，就同朋友一人一碗酸菜魚麵，之前已經食過呢間嘅刀削麵，刀削麵就比較有咬口。幼麵就滑溜一啲。酸菜魚麵$65 ，嚟到覺得好大碗，好多魚片，仲要全部魚都冇骨嘅，啖啖肉。個湯底好好飲少少辣。個面就吸收晒酸菜魚湯汁，個人最喜歡就係旁邊嘅酸菜，酸菜切得好有細，我估計應該係炒過嘅，因為酸菜係少少甜，同埋好爽口。再飲番一杯冰涼嘅凍檸茶，食完一點之後就開始多人。