老鳳冰室 (Closed)

懷舊冰室新分店，環境闊落坐得舒服過深水埗好多，勁鐘意門口個收銀位好似舊時戲院買飛個攤位咁❤️韓式炸雞芝士保齡球就新舊合璧，芝士保齡球係環響啲懷舊港式冰室先見到，即係用農夫包挖空中間再放飯去焗，炒飯底加芝士焗到香噴噴，而且又包又飯一定飽😂至於新派部分就係個韓式炸雞，雖然話係韓式炸雞但其實只係隻雞髀再加韓式辣醬😂 不過佢哋個炸雞髀本身都好高質，炸皮夠脆肉質嫩滑，確係唔錯✨然後另一道老鳳雞翼即滷水雞翼，腍得入味又唔會太重味，撈丁有滷水汁夾埋好香，加埋塊多士好有常餐感✨最後兩杯嘢飲插住塊米紙啤牌都幾IGable🙈