倫敦大酒樓

Open Now

Now Closed

今日去咗倫敦大酒樓食午餐，呢間係一間好舊嘅酒樓因為佢哋仲有點心車，會有職員推車仔，同埋叫賣。點心款式都算唔少，基本蝦餃，燒賣，叉燒包，腸粉都有。而且出邊仲有水泡吧會整一啲煎蘿蔔糕，煎魚餅，煎腸粉，炸春卷嘅煎炸嘢食。不過唔知係唔係太多人，而且職員太少，有好幾次叫職員斟水都冇人理，呢度感覺有少少唔好。而且佢哋係冇下午茶時間，所以佢哋中間好早就收晒檔，你預計大約2:30左右，就會催你埋單，佢哋就會落場準備晚市。有少少太早收到。