北京老家 (Moved) New Location

講起北京老家，大家一定會好快就諗起佢最出名嘅唔係乜嘢食物，而係枱入面有一條條活生生嘅金魚。其實我自己就怕金魚嘅，所以對佢張枱真係冇乜好感，好想快啲上晒啲嘢食，可以遮住佢。叫咗個我最鍾意食嘅北京填鴨，一上枱已經聞到強烈嘅鴨油香，配埋熱辣辣嘅皮，夾埋青瓜一齊食，頂呱呱！個類似松子魚嘅魚都做得唔錯，炸得好通透，外層好脆，但係裏面嘅魚肉仲好滑。酸酸甜甜都幾好食。最後仲有杏仁豆腐，同埋拔絲番薯，兩個甜品都唔錯， 但係我鍾意杏仁豆腐多啲，唔會太甜，食落比較清新，杏仁豆腐仲好滑添。