Video
Read full review
2018-03-11
218 views
繼續我既美食之旅，由於身邊果個話想食依間餐廳，今次試用OpenRice個app訂枱，彈指之間，十秒唔洗就訂好位，既然用得OpenRice訂枱，我就好順手寫篇食評。 今次依間餐廳先講訂枱十分方便快捷簡單，入番正題，由於我係揸車去，而餐廳附近就有好幾個停車場，最近嗰個停車場只係需要橫過馬路「3秒」就會到達餐廳門口，對揸車人士來講非常方便。 我哋六點鐘嚟到餐廳，一入門口比部電話侍應睇就已經可以確認訂枱，侍應亦好快帶我哋兩個人坐咗喺張四人枱度，感覺上餐廳完全唔會吝嗇佢哋嘅空間資源，迫啲客夾硬搭枱。因為係第一次黎食，望住張餐牌有少少唔知點樣入手，最得意嘅係侍應攞左份飲品黎向我地表示係餐前Free Drink🥃，樹心擺設配搭兩個小杯，簡單而美觀，飲落去酸酸甜甜有小小酒味，非常開胃。望咗一陣之後侍應就行埋黎，好溫柔咁介紹翻俾我哋，咁我哋都因應佢嘅推介而落單。 係等待食物上枱之前往往我都會望吓餐廳嘅佈局同裝修，餐廳嘅枱櫈唔似一般嘅日本料理餐廳，感覺比較寬鬆，唔會太過密密麻麻，燈光好足夠，枱嘅size相對比較大，有‘吧枱’‘圓枱’’方枱‘、仲有向
今次依間餐廳先講訂枱十分方便快捷簡單，入番正題，由於我係揸車去，而餐廳附近就有好幾個停車場，最近嗰個停車場只係需要橫過馬路「3秒」就會到達餐廳門口，對揸車人士來講非常方便。
我哋六點鐘嚟到餐廳，一入門口比部電話侍應睇就已經可以確認訂枱，侍應亦好快帶我哋兩個人坐咗喺張四人枱度，感覺上餐廳完全唔會吝嗇佢哋嘅空間資源，迫啲客夾硬搭枱。
因為係第一次黎食，望住張餐牌有少少唔知點樣入手，最得意嘅係侍應攞左份飲品黎向我地表示係餐前Free Drink🥃，樹心擺設配搭兩個小杯，簡單而美觀，飲落去酸酸甜甜有小小酒味，非常開胃。
餐前Free drink
15 views
0 likes
0 comments
望咗一陣之後侍應就行埋黎，好溫柔咁介紹翻俾我哋，咁我哋都因應佢嘅推介而落單。
係等待食物上枱之前往往我都會望吓餐廳嘅佈局同裝修，餐廳嘅枱櫈唔似一般嘅日本料理餐廳，感覺比較寬鬆，唔會太過密密麻麻，燈光好足夠，枱嘅size相對比較大，有‘吧枱’‘圓枱’’方枱‘、仲有向牆既‘橫排枱’剩係坐底都可以比客人選擇
唯一有點奇怪就係啲櫈好似有啲參差不齊，喺相入邊就可以睇到有椅背同埋無椅背嘅櫈都會撈埋係同一張枱用，即係如果一張四人枱坐四個人嘅話總會有一個人要用無椅背既櫈，但係大致上嘅裝修佈局令人感覺幾寬躺舒服。
大約等左5分鐘左右，侍應開始上菜，次序如下：燒煙肉露荀卷串➡️胡麻冷蕃茄➡️唐揚墨魚咀➡️極上 - 魚男九段壽司 配烏冬➡️螢光魷魚沖漬➡️特盛 - 魚男九段刺身盛 配魚生丼。對於依個上菜順序真係幾失望，冷盤，淡味，熱盤，咸味，完全無排序。不過黎係為左食野，唔係為左睇上菜次序，所以逐樣介紹今日嘅食物。
胡麻冷蕃茄
$48
5 views
0 likes
0 comments
🍅胡麻冷蕃茄🍅
用上一個原隻大蕃茄🍅，下面放左火箭菜、紫椰菜，淨係望賣相都好開胃，蕃茄夠大過，咬落去多肉多汁💦，胡麻醬令沙律菜🥗去除苦味，整體非常好胃。
極上 - 魚男九段壽司
$298
11 views
0 likes
0 comments
🍣極上 - 魚男壽司九段盛🍣 配烏冬🍜
特盛 - 魚男九段刺身盛
$298
13 views
0 likes
0 comments
特盛-魚男九段刺身盛配魚生丼 味噌蒜味噌湯
兩件半圓形底坐拼合成一個圓形，上面各放上一條迴旋型嘅樓梯每一級都放上一件精美嘅壽司/刺身，絕對可以用「美觀」形容，需要影相留念📷。味道方面，魚生新鮮，分量十足，果然係侍應重點介紹既菜式
魚生丼，味噌蒜，味噌湯
11 views
0 likes
0 comments
魚湯烏冬
2 views
0 likes
0 comments
魚湯烏冬
49 views
0 likes
0 comments
瑩光魷魚沖漬
$58
13 views
0 likes
0 comments
🦑🌟 螢光魷魚沖漬 🌟🦑
都算幾鹹下，唔算好爽，失望
燒煙肉露荀卷串
$38
9 views
0 likes
0 comments
唐揚墨魚咀
$58
9 views
0 likes
0 comments
🔥燒煙肉露荀卷串🔥👄唐揚墨魚咀👄
煙肉露荀卷，咬落露荀新鮮多汁，露荀中和左煙肉既咸，配搭得好好，唯一失分既地方係，一早上左枱，我局住留到最後先食，凍晒
唐揚墨魚咀，無上像中咁爽口，但係個炸粉做得好香口濃味，如果有酒精飲品，絕對係絕配，可惜要揸車無得飲兩杯
就咁一個鐘食完，埋單未計加一$800有找。整體黎講，食Omakase，而且食得幾飽下，$400人頭真係超值，用咁既價錢黎講，絕對值回票價，「泊車方便/搭車方便，坐得舒服，服務好，質素高，性價比高」就係今次既總結
Post
