Video
Read full review
2023-02-17
39 views
藤 - 旺角嘅親民價omakase呢度嘅𝐨𝐦𝐚𝐤𝐚𝐬𝐞價錢相宜而且質素都唔錯而我覺得性價比最高嘅係$388嘅廚師發辦魚生丼🍣🍱!(有時openrice book枱會有優惠 可以留意下~)入面座位唔多，想去嘅話記得book枱了~✨廚師發辦 omakase $788有前菜、刺身、壽司11貫、卷物、湯同甜品(・∀・)- 先付 (前菜)水雲白子| 牡丹蝦 | 煙燻鰆魚其實係第一次食白子 ，廚師輕輕將佢炙燒處理過，食落口感軟滑，加入左水雲醋 酸酸甜甜都幾開胃牡丹蝦會配埋糖醋蛋一齊食煙燻鰆魚味道本身比較淡，所以煙燻處理左佢之餘仲加入左薑花同炸蒜一齊食伴碟有豆漿腐皮同埋洋蔥絲，令到鰆魚鮮味更出，質感細膩柔軟- 海鮮麵豉湯呢個湯好有驚喜，飲落聞到蟹味濃郁問左先知原來仲有蝦膏呢個湯好暖胃消滯而且鮮甜入味全晚最鍾意反而係呢碗湯🤫🤫- 小長井生蠔入口有濃厚海鮮味 大大隻肉質肥美 味道甘甜- 炭燒熟成魚 太刀魚會即席喺你面前燒~ 不過本身味道唔太重會提供辣味柚子胡椒沾黎吊吊味- 壽司11貫帶子 | 深海池魚 | 真鯛 | 甜蝦 | 金目魚鯛l 油甘魚| 中呑拿魚腩|左口魚| 海膽| 池魚 |三文魚子帶子 好厚
呢度嘅𝐨𝐦𝐚𝐤𝐚𝐬𝐞價錢相宜而且質素都唔錯
而我覺得性價比最高嘅係$388嘅廚師發辦魚生丼🍣🍱!
(有時openrice book枱會有優惠 可以留意下~)
入面座位唔多，想去嘅話記得book枱了~
✨廚師發辦 omakase $788
有前菜、刺身、壽司11貫、卷物、湯同甜品(・∀・)
- 先付 (前菜)
水雲白子| 牡丹蝦 | 煙燻鰆魚
其實係第一次食白子 ，廚師輕輕將佢炙燒處理過，食落口感軟滑，加入左水雲醋 酸酸甜甜都幾開胃
牡丹蝦會配埋糖醋蛋一齊食
煙燻鰆魚味道本身比較淡，所以煙燻處理左佢之餘仲加入左薑花同炸蒜一齊食
伴碟有豆漿腐皮同埋洋蔥絲，令到鰆魚鮮味更出，質感細膩柔軟
- 海鮮麵豉湯
呢個湯好有驚喜，飲落聞到蟹味濃郁
問左先知原來仲有蝦膏
呢個湯好暖胃消滯而且鮮甜入味
全晚最鍾意反而係呢碗湯🤫🤫
- 小長井生蠔
入口有濃厚海鮮味 大大隻肉質肥美 味道甘甜
- 炭燒熟成魚 太刀魚
會即席喺你面前燒~ 不過本身味道唔太重
會提供辣味柚子胡椒沾黎吊吊味
- 壽司11貫
帶子 | 深海池魚 | 真鯛 | 甜蝦 | 金目魚鯛l 油甘魚| 中呑拿魚腩|左口魚| 海膽| 池魚 |三文魚子
帶子 好厚身，會有柚子皮灑喺面，食落好香好清新
深海池魚 肉質細緻爽口帶油份，味道甜美
真鯛: 白肉魚味道比較淡雅，厚身而且口感彈牙，清香鮮甜
甜蝦: 肉質綿滑，食落有黏黏地嘅口感，清甜美味
金目魚鯛: 質地非常柔軟細膩，有輕輕火炙過，
魚肉上面放左洋蔥🧅魚油脂豐腴細膩香濃，賣相好吸引
油甘魚: 食起黎非常幼嫩，肉質仲帶有甘甜嘅味道，鮮甜至極
中呑拿魚腩: 佈滿精緻魚油花紋，充滿油脂香，口感入口即溶而且無咩筋
左口魚: 魚肉較結實，炙燒後魚油滲出非常豐富，口感肥美爽口，食落濃郁甘香
海膽: creamy 味道甘甜，鮮味十足
池魚: 肉質緊致，爽口帶油份，味道鮮甜
三文魚子: 色澤透明清亮，味道鮮甜，口感脆嫩 ，豐富魚油甘香
- 卷物
吞拿魚蓉卷: 吞拿魚蓉幼細香滑，口感軟綿綿，加上豐富油香
- 甜品
日本栗庵風味堂嘅熊仔最中餅好可愛~
佢嘅餅殼係由糯米做成，並唔係普通一塊餅😆
配上紅豆蓉同十分彈牙嘅抹茶蕨餅，唔錯
✨廚師發辦魚生丼($328)
呢款Omakase魚生丼我覺得性價比真係好高
有好多款唔同嘅魚生，睇落已經超豐富好大碗，有成十款上整齊排列好，食完超飽肚。
同頭先omakase壽司嘅魚生差不多款，多左糖醋蛋八爪魚，蟹肉碎，糖醋蛋攪拌後嘅蛋漿拌入微酸赤醋壽司飯後口感更嫩滑。
十款魚生刺身包括中拖羅、帶子、深海池魚、甜蝦、池魚、真鯛、金目鯛、油甘魚等等，
覺得係上面omakase嘅入門版✨推薦食呢個!
藤 (旺角)
旺角廣華街1號仁安大廈地下24A號舖
Post
