Video
Read full review
2024-11-22
0 views
長沙灣 l 一位難求既西班牙小店前一排係社交平台成日見到有人推介呢間西班牙小店，想試一段時間，但係次次打電話去都話full booking，今次終於食到。不過今次去到6點只有3枱客人。蟹肉可樂餅 7.3/10 $20 @1見到同食到一絲絲蟹肉，食落去蟹鮮味幾好松露蘑菇可樂餅 7/10 $20 @1松露味唔算出，反而蘑菇味好濃，都幾好食墨汁魷魚可樂餅 7.3/10 $20 @1因為覺得佢既可樂餅幾好食，所以叫埋魷魚試下，入面係墨汁加魷魚粒，食落海鮮味好出！西班牙辣肉腸蛋餅 4.5/10 $68 一去到鋪頭，店員就同我地推介，話呢個係限量，一日得8件，咁我地就梗係要試一試，點知食完超級失望。辣肉腸，薯仔蛋餅，手指餅，食落完全唔夾，個人覺得有少少係夾硬擺埋一碟。卡斯提亞乳豬 7/10 $388 乳豬皮烤得好脆，乳豬好軟腍，配埋蘋果醬幾解油膩。不過呢個價錢來講份量幾少。西班牙紅蝦飯 6.8/10 $328原隻紅蝦上來俾你影相，跟著會有職員幫你將紅蝦蝦頭既蝦膏拌入西班牙飯，不過蝦肉既蝦殼要自己剝。雖然標榜2人份，但係飯既份量大概半碗都唔夠，細食量既女仔都未必夠飽。西班牙飯有蝦膏味
前一排係社交平台成日見到有人推介呢間西班牙小店，想試一段時間，但係次次打電話去都話full booking，今次終於食到。不過今次去到6點只有3枱客人。
蟹肉可樂餅 7.3/10 $20 @1
見到同食到一絲絲蟹肉，食落去蟹鮮味幾好
松露蘑菇可樂餅 7/10 $20 @1
松露味唔算出，反而蘑菇味好濃，都幾好食
墨汁魷魚可樂餅 7.3/10 $20 @1
因為覺得佢既可樂餅幾好食，所以叫埋魷魚試下，入面係墨汁加魷魚粒，食落海鮮味好出！
西班牙辣肉腸蛋餅 4.5/10 $68
一去到鋪頭，店員就同我地推介，話呢個係限量，一日得8件，咁我地就梗係要試一試，點知食完超級失望。
辣肉腸，薯仔蛋餅，手指餅，食落完全唔夾，個人覺得有少少係夾硬擺埋一碟。
卡斯提亞乳豬 7/10 $388
乳豬皮烤得好脆，乳豬好軟腍，配埋蘋果醬幾解油膩。不過呢個價錢來講份量幾少。
西班牙紅蝦飯 6.8/10 $328
原隻紅蝦上來俾你影相，跟著會有職員幫你將紅蝦蝦頭既蝦膏拌入西班牙飯，不過蝦肉既蝦殼要自己剝。雖然標榜2人份，但係飯既份量大概半碗都唔夠，細食量既女仔都未必夠飽。西班牙飯有蝦膏味，飯有飯焦，幾香，不過稍嫌蝦膏同飯融合得唔夠，食落都覺得兩樣嘢味道係分開。
總結: 有少少過譽，份量小，味道正常好食，未有覺得驚喜。性價比低，應該唔會再食第二次。
La Barra Tapas Spanish Restaurant (長沙灣)
長沙灣福榮街512-518號地下A號舖
Post
