Video
Read full review
2021-10-26
40 views
同男朋友去大埔玩， 見到一間位於屋苑入面的串燒店， 細細間但裝修企理。 食完之後都覺得串燒質素高， 如果之後再入大埔，都會再食。因為我哋咩都想試下，所以都嗌咗幾多款式，包括有海鮮。當然唔少得燒蠔， 我哋叫咗芝士煙肉燒生蠔， 芝士味十分濃郁。 而蒜香燒生蠔，蒜粒燒得香軟，放入口，整個口腔都充滿蠔的鮮甜和蒜味 。金銀蒜燒扇貝亦一樣，扇貝大大粒，食落去好滿足。而肉方面，我哋亦叫了孜然味濃的雞腎串，完全唔乾，真係好正。生燒鴨舌亦十分驚喜，軟熟得來，鹹味十分得宜，令人不禁一啖接一啖。燒厚切五花腩更加係高質之作，本身五花腩已經肥瘦相間，邊邊燒得脆身之餘，亦將油脂味道逼了出來， 亦都充滿肉汁。蔬菜類都不容忽視，蒙古燒韭菜同新鮮露筍條真係誠意推介，韭菜食味道，蘆筍條有口感，好彩兩樣都有叫。食得串燒當然唔少得飲品嘅陪伴，我哋嗌了蘋果酒，味道不錯，可以降低食串燒的膩嘅味道，喚醒一下味雷，迎接下一味串燒。其實除咗串燒，呢間店亦都做好多熟食，例如燒春雞配薯條，性價比極高， 燒雞皮脆肉嫩是基本， 配角薯條亦十分出色， 外脆內軟，薯仔味重。另外亦有椒鹽鮮魷，拍得住地道大排檔味，叫人一試難忘。整體來說，用餐體驗十分
因為我哋咩都想試下，所以都嗌咗幾多款式，包括有海鮮。當然唔少得燒蠔， 我哋叫咗芝士煙肉燒生蠔， 芝士味十分濃郁。 而蒜香燒生蠔，蒜粒燒得香軟，放入口，整個口腔都充滿蠔的鮮甜和蒜味 。金銀蒜燒扇貝亦一樣，扇貝大大粒，食落去好滿足。
而肉方面，我哋亦叫了孜然味濃的雞腎串，完全唔乾，真係好正。生燒鴨舌亦十分驚喜，軟熟得來，鹹味十分得宜，令人不禁一啖接一啖。燒厚切五花腩更加係高質之作，本身五花腩已經肥瘦相間，邊邊燒得脆身之餘，亦將油脂味道逼了出來， 亦都充滿肉汁。
蔬菜類都不容忽視，蒙古燒韭菜同新鮮露筍條真係誠意推介，韭菜食味道，蘆筍條有口感，好彩兩樣都有叫。
食得串燒當然唔少得飲品嘅陪伴，我哋嗌了蘋果酒，味道不錯，可以降低食串燒的膩嘅味道，喚醒一下味雷，迎接下一味串燒。
其實除咗串燒，呢間店亦都做好多熟食，例如燒春雞配薯條，性價比極高， 燒雞皮脆肉嫩是基本， 配角薯條亦十分出色， 外脆內軟，薯仔味重。另外亦有椒鹽鮮魷，拍得住地道大排檔味，叫人一試難忘。
整體來說，用餐體驗十分良好，食物質素仍上乘之作，價錢卻意外地相宜。 另外，餐廳環境乾淨，亦都會播好多廣東歌。所以綜合好適合同朋友一齊宵夜談心！！！
Post
