韓川

Open Now

Now Closed

最近搵到間性格比高嘅韓國餐廳，仲可以食埋韓國生蠔，啱晒我生蠔控啦~位於旺角嘅【韓川】韓國餐廳，餐廳坐位寬敞，好適合三五知己gathering~先來前菜: 泡菜和蘿蔔，很開胃~見到佢地有【韓國金蠔】，忍唔住點左一打試吓，十分有驚喜~ 金蠔厚肉鮮甜又爽滑，啱晒喜歡食冇咁濃味嘅朋友~ 加一點點檸檬汁一齊食更加美味~邊食蠔，邊飲【韓國米酒】，一絕~ 我地點左白葡萄味，仲有桃味可以選擇~ 呢款米酒入口順滑，酒精含量好低，就算飲多左都唔會咁易醉，所以店員話好多女士都喜歡飲~【鹽燒牛仔骨】好入味，好有油香，肉質鮮嫩，可以加入生蒜、芥末、洋蔥等四種配料一齊食~ 上碟時，店員會用小火爐將佢暖住，令牛仔骨可以保溫唔易變硬，保持美味度！真係好細心啊！【真露蒜蓉牛油粉絲焗蜆】蜆肉好鮮甜，我地連韓國粉絲都食得一乾二淨，因為佢吸收晒蜆肉嘅精華，好好味~【牛肋骨湯配白飯】清甜嘅牛肋骨湯，大大碗，用料十足，配白飯一流~呢間餐廳食物款式多，又好味，我肯定會再encore啊！