Holly Brown (Closed)

常常經過 Holly brown ，想試下但又覺得有點貴，加上總有不同原因，好少坐低可以慢慢食雪糕。今次，因為同行友人有 voucher ，所以一齊去試下。口味選擇其實唔少，朋友喜歡vanilla ，所以睇完一大輪，左諗右諗， 最後都係揀左Vanilla Thriller 。見住店員係度炒雪糕，其實幾得意。不過以炒雪糕為主打都開到專門店，我係覺得有點意外。因為炒雪糕其實都係 gimmick 野，大概都係將材料混合埋一齊。完。我覺得味道不過不失啦~同想像中無咩分別，都係 Vanilla 雪糕再加配料。講雪糕質素，我又覺得佢無moveinpick 咁好食。$60@ 我覺得貴左 d~~Waffle 食到尾又開始淋淋地，唔係太好食。當然，價錢包埋環境，你又可以悠悠閒 hea 下既。不過，如果要搵地方 hea, 應該都有其他選擇既。