緣聚鮮鍋 (Closed)

琴日同老婆去荃灣買褔建食物，買完梗係搵個地方醫肚啦，經過荃灣大鴻輝，成棟都係食嘢咁濟，但係好多人排隊搭電梯，諗住轉場搵第二個地標，突然見到緣聚鮮窩喺3樓，搭扶手電梯就去到，唔使等電梯，就去試下呢間火窩放題先。環境方面：裝修Ok，地方好大，乾淨👍。有幾個自助吧，都唔覺得迫。服務方面：職員好有禮貌，我揀湯底揀左好耐，但佢哋好耐心。用二維碼點餸，上菜都好快，無漏單。食物方面：我食晚市B餐首先，有生啤任飲，包括Stella, Hoegaarten, 仲有😍1664，我梗係飲64啦，齋飲生啤都值回票價啦。湯底有得要鷄煲，可以任食，但呢排玩瘦身😒所以試左胡椒豬肚雞湯，個湯好惹味，豬肚爽，雞鮮，我覺得無揀錯手機點菜方面試過幾款餃，我比較喜歡高麗菜餃。豬肉片，新鮮薄切，唔錯牛肉片，牛板腱必食，夠嫩，精神👍蝦、蜆同扇貝都有，夠新鮮，不過扇貝細粒咗少少熟食方面滷水鴨，好好味，必試榴槤炸彈，食榴槤嘅必點，我老婆話嘅😌奶皇流心牛角飽，呢個不得了，雖然放題食呢啲唔抵，但真係必試，極級好味芝士撻，又係極好食，必試自助吧有好多款，包括炸物、小炒、雪糕、啫喱布甸、飲品......幾多嘢揀喎，推介大家食咖哩角、帶子裙邊