鮨岐

Open Now

Now Closed

今日食嘅係咖哩吉列豬扒定食，一個定食Set入面有哂沙律、茶碗蒸、味噌湯同甜品啫喱，呢個價錢嚟講相當公道。味道方面，豬扒一食落脆卜卜，一睇就知道係即叫即整，咖哩亦都係熱辣辣嘅日本咖哩，撈定食跟埋嘅白飯，一字記之曰:正！前菜沙律不過不失，比較普通，但勝在夠新鮮。茶碗蒸味道唔錯，配料就有冬菇粒同鳴門卷粒，加埋豉油風味絕佳！味噌湯同甜品就穩穩陣陣冇乜特別。值得一讚嘅係杯套餐飲品白桃烏龍茶，唔會太甜又夠哂味，最重要嘅係支飲筒唔會好易爛！