水門雞飯 (豉油街)

Open Now

Now Closed

呢間水門雞飯喺旺角都非常出名，價錢實惠味道亦都相當有水準，今次嚟試吓雞飯以外嘅泰國菜。雞飯可以唔食，但泰式奶茶係冇得唔飲。煉奶味非常香。基本上每枱都必嗌。香辣肉碎沙律，其實即係生菜包。餐牌標示兩粒辣椒，個人認為都唔算太難。山菜大約有六塊，兩至三個人share都可。馬拉盞魷魚炒西蘭花，馬拉盞鹹香配上西蘭花都幾有新意，魷魚吸晒啲汁相當惹味。串燒三串起跳，叫咗兩串雞一串豬，味道一般，尤其係豬比較硬身，建議叫返雞串。椰汁斑蘭糕，一食三舊，斑蘭味突出，椰汁亦都唔孤寒。