和氣食堂 (黃大仙中心南館)

Open Now

Now Closed

今日考完試，漫長嘅辛苦歲月終於完結，要同女朋友好好食返一餐，一於來到黃大仙中心嘅「和氣食堂」。溫泉玉子牛油果凱撒沙律好大盤嘅沙律，啲沙律菜好新鮮，索索聲，仲有一拮就穿嘅溫泉蛋，撈埋一齊食真係好 Fresh!千回火鳥3隻燒全隻雞翼，比較少食到，雞翼嘅外皮烤得好金黃香脆，仲有些少香辣，十分開胃！芝士軟殼蟹卷（4件）賣相都幾靚，啖啖芝士口感真係好豐富，最得我歡心，軟殼蟹又夠香脆。燒日本廣島蠔（2隻）芝士真係好香噴噴，廣島蠔夠肥美，仲保留到些少海水嘅味道，好鮮味哦！美國安格斯牛肉鍋牛肉質素十分高，肉質好幼嫩，點生雞蛋食，口感豐富。仲有粉絲、冬菇同野菜作配菜，夠晒入味，夠晒飽肚。黑松露鵝肝什菌石窩飯上枱時仲係熱辣辣！鋪滿配菜，將所有配菜攪勻，配上黑松露獨有嘅香味，愈食愈滋味。糯米慈紅豆宇冶抹茶牛奶雪糕女朋友話晚餐一定要有甜品。真係好賞心悅目，好似一幅藝術品咁。