點點甜 (Closed)

之前聽朋友介紹話旺角有一間糖水舖，位於豉油街轉角位嘅地舖，非常方便顯眼。話咁快我哋四個就搵到糖水舖了，驟眼望落去餐廳招牌以黑色為主，而且燈光閃耀，一眼已經望晒餐廳嘅環境，非常當眼。見到入面都非常滿座，好彩有一台客埋單走，所以我哋唔需要等位，就可以入去坐門口嘅位置。店員招呼周到，非常殷勤嘅態度，更向我們介紹糖水舖嘅招牌糖水。見到餐牌圖片非常吸引，每一款都好想試吓，最後我揀選左野莓窩夫配雲呢拿雪糕。野莓窩夫配雲呢拿雪糕非常大碟，一份已經有四件窩夫，底下仲有藍莓同埋士多啤梨肉，非常豐富呀。食落去窩夫外脆內軟，配以雲呢拿雪糕一齊食，非常match。另外朋友order左宇治雪山同埋Double榴槤等，賣相各有各特色。宇治雪山🏔️嘅配料包括紅豆、小丸子、玄米茶啫喱、椰果同埋主角抹茶牛奶味雪糕，食落去抹茶雪糕帶點苦澀味道，牛奶雪糕反而奶味很重，所以兩者一齊食非常夾。除此之外，糖水舖適逢夏日炎炎，門口餐牌仲有買一杯正價，第二杯半價嘅優惠，最啱平時鍾意行街嘅我，行攰左買杯嘢飲下。總括而言，糖水舖對每一款甜品都有心思，而且賣相很精美，在旺角區屬於性價比高嘅糖水舖。