雲川百味

Open Now

Now Closed

洪水橋呢個美食沙漠，有米線食係一件好美好嘅事，不過，我更傾向食紅薯粉🥰。雲川百味 嘅米線一餸一般係44蚊包熱飲，加餸就每款十蚊，仲要上限四款。見落雨天涼涼地，食咗個豬頸肉無湯拌紅薯粉，跟餐附送熱檸水。晚餐嚟講，價錢好親民。店內座位多店員都多，原本諗住叫外賣，不過見出面落雨都係堂食算。豬頸肉切到幼條咁幾香口，薯粉上堆肉碎食到有少少論盡，碗底有少量湯汁去拌薯粉，味道唔會太咸，芽菜唔會太生，薯粉夠熱又夠彈牙。埋單俾現金，未見可以收八達通或者支付寶，如果收銀可以再方便d就好喇。