炙和味日本料理 (屯門時代廣場北翼) (Closed)

次次都係中午食炙和味嘅定食，每次都一定嗌602號餐，有9件壽司，又有烏冬，仲包埋野飲，80幾蚊有交易，好滿足。佢嗰個吞拿魚他他脆餅幾好味，又吾係度度有得食，所以幾特別。另外仲有炙燒左口魚同埋三文魚，好香口，吾錯。其他壽司都正正常常，塊紫菜上到嚟都係脆嘅。另外佢個烏冬呢一個係甜豉油湯底，亦都可以轉做豬骨湯底，湯底就冇咩特別，但係個烏冬都幾好食嘅。80幾蚊食呢一個餐真係性價比好高。所以一有機會都會過嚟幫襯。