FRITES Belgium on Tap (Moved) New Location

Frites 主打比利時啤酒同埋青口。佢嘅lunch set唔駛$200就可以食到包含500g青口同薯條嘅3道菜午餐，可謂非常之抵！美中不中係佢有啲凳係無得『唉』嘅，有啲唔夠舒適。同埋佢甜品同飲品係二揀一。今日揀咗芝士洋蔥湯做頭盤，洋蔥嘅甜味已經煮晒落個湯度，而面頭嘅麵包索晒湯汁，幾好味。500g house mussels配薯條，用上白酒忌廉汁煮嘅青口粒粒大粒飽滿，配上薯條同沙律醬非常開胃。甜品係rice pudding cake，甜甜地有啲糯米感覺，幾得意。