N.28 Teppanyaki

Open Now

Now Closed

同朋友慶祝生日，一早book定咗呢間席前鐵板料理同佢食餐好🎉餐牌有唔同嘅set，揀咗入門套餐，食嘅野都好吸引，價錢亦唔算太貴👍🔸甘辛分子泡沫赤蝦他他🔸赤蝦他他上面嘅分子泡沫辣辣地，有啲似芥末嘅辛辣感，撈埋蝦他他一齊食味道更有層次✨由於朋友唔太食生野，餐廳亦照顧周到，安排咗另一款小食叫「小女子」，原來係鰻魚BB苗，經過漬製食落甜甜哋，佐酒一流😳🔸特色鐵板蒸蛋🔸加入紅菜頭苗同海苔醬嘅鮑魚蒸蛋，蒸蛋滑嘟嘟，入面鮑魚粒都幾多，細細碗但好足料👍🔸鐵板大蝦配海膽松露醬🔸大大隻虎蝦，睇住師傅即席係鐵板上剝殼，蝦肉爽口彈牙好鮮甜🦐配上旁邊嘅海膽黑松露醬一齊食，提鮮得嚟又惹味😋🔸原隻日本帆立貝🔸帆立貝好厚身，煎嘅火喉剛剛好，日式醬油汁加咗清酒，有酒香仲令帆立貝嘅甘味更鮮明～🔸白煎比目魚+時令蔬菜三點🔸煎至金黃色嘅比目魚，魚油香四溢，魚皮煎到脆卜卜超正🤤旁邊嘅山椒燒汁甜甜哋，仲有少少椒麻，意外好夾😳🔸A5宮崎和牛薄燒🔸薄燒和牛入面包滿蔥花同蒜，就咁食已經好好味🤤亦可隨個人喜好搭配昆布鹽、香草海鹽、獨子蒜片或者面豉醬～昆布鹽好特別，單獨食會覺得有啲似話梅乾呢😆🔸沙律、炒飯、季節湯🔸嚟到最後環節又點少得鐵板炒