緣聚西日餐廳 (西裕街) (Closed)

前排老婆病左成個星期，終於好反就話要食放題賀一賀喎剌身款竟然有劍魚腩剌身同中拖羅剌身提供，好驚喜！絕對係回本必食。紅螺片都係放題少見有得食既，剌身質素整體都唔錯。海膽手卷同軍艦都估唔到甘好，紫菜仲係脆既，細細件，唔會太快飽幾貼心！六款火焰壽司食均哂，好好食！魚油逼哂入壽司飯到好香甜！黃金燒蠔幾好味，比想像中大隻。黃金雞軟骨，脆脆既口感，唔經唔覺就食哂。估唔到有火鍋食，叫左韓風豬骨湯底，微酸帶辣，配料樣樣都叫左d，放落去就索哂湯味，尤其個拉麵，辣得好過癮！甜品有泡芙和菓子之類，椰汁奶涷幾特別，用小小既牛奶瓶裝，椰味濃郁。