鮨白鳥 (Closed)

同朋友係尖沙咀行街，大家都想食日本野，見到呢間新開既日式餐廳，決定一齊試試佢餐廳分左吧枱位同卡位，幸運地個日比較早無咩人可以坐到吧枱位聽聞呢度由日本師傅主理，主要食材都係來自九州，午市晚市都有廚師發板，午市亦有定食同丼，價錢都好親民！我同朋友分別揀咗豪華刺身定食同和王海膽丼先黎沙律、小鉢、茶碗蒸，茶碗蒸好滑，有蟹既鮮味，食真d仲有淡淡既胡椒香味另外小鉢係魷魚，爽口彈牙！醬汁亦非常開胃刺身拼盤勁豐富有左口魚、內子、牡丹蝦、北海道馬糞海膽、鰤魚、帆立貝、大拖羅比較特別既有鹿兒島名物內子，味道有d似我地成日食既魚干仔，刺身好厚切，食材都好新鮮時令，淨係個2件大拖羅已回本呢款係朋友既和牛海膽丼，d和牛勁靚我偷食左一塊，入口即溶食完後分別有味增湯同雪糕，呢餐真係幾抵食，雖然唔係食廚師發板，但店員都會留意返客人既節奏從而上菜，不時主動加茶，服務幾好有下次！