一鍋堂 (大鴻輝(荃灣)中心) (Moved) New Location

好耐冇食火鍋，見入秋轉涼就約朋友去！.呢間一鍋堂好多人，要預先訂座先有位。.入座時先揀湯底，花多眼亂，最後試左檳城喇沙湯底。.入座後用QR code 連接點餐系統，方便又環保。.火鍋配料種類選擇多，牛肉類都有幾種 - 安格斯牛肉、封門柳及 牛脷托。我就鍾意安格斯牛肉既油脂分佈均勻，而封門柳就肉味濃郁。.海鮮類都好出色，海蝦新鮮又彈牙！蜆類都肥美又無沙，仲有女士必備花膠。.菜類可以係自助區自己揀，我就揀左羽衣甘藍，健康的。.打邊爐邊少得飲品，餐廳既自家製飲料一定要試！.最後梗係要食甜品做結尾，軟雪糕🍦加朱古力彩針，好滿足。